ئاسیاسێڵ سپۆنسەری پرۆژەی زمانی کتێب دەکات

ئاسیاسێڵ هەڵسا بە سپۆنسەرکردنی پرۆژە زمانی کتێب لەبەرئەوەی ئەم پرۆژەیە شێوازێكی نوێ وپێشکەوتووی لەخۆگرتووە بۆ گواستنەوەی زانیاری و مەعریفە لە کەسێکەوە بۆ کەسێکی تر. بیرۆکەی پڕۆژەکە شێوازێکی نوێ بوو لە خواستنی کتێب لەلایەن خوێنەرەوە. بڕی ٩٠٠ کتێب لە بوارە جیاجیاکانی زانست و مرۆڤایەتی لە هەر یەك لە شارەکانی سلێمانی، هەلەبجە، کەلار و سەیدسادق. هەر خوێنەرێك ئەتوانێت لەو کتێبانە بخوازێت بە مەرجێك بیگۆڕێتەوە بە کتێبێکی تر لە کتێبە شەخسییەکانی خۆی، وبەم شێوەیە خوێنەران بێبەرامبەر کتێبەکان لەنێو خۆیاندا ئاڵوگۆڕدەکەن.