پاش ئەو رووداوی ئاگرکەوتنەوە دڵتەزێنەی کە رۆژی 15ی تەمموزی 2010 لە ئوتێل سۆمای شاری سلێمانی روویدا کە تیایدا چوار کارمەندی ئاسیاسێڵ بوونە قوربانی و لە بەرامبەر ئەرک و ماندووبوونی کاک فاروقی مەلامستەفا سەرۆکی ئەنجومەنی بەڕێوەبردنی ئاسیاسێڵ و کارمەندانی ئاسیاسێڵ بۆ رەوانە کردنەوەی تەرمی خوالێخۆشبوو (رون سۆفیاکدی) بە رەگەز کەمبۆدی، سوپاسنامەیەک لە هاوسەرەکەی و بنەماڵەکەیەوە ئاراستەی ئاسیاسێڵ کراوە کە ئەمەی خوارەوە دەقەکەیەتی:
شانشینی کەمبۆدیا
سوپاسنامە و پێزانین
من (ئین کیم لەی) هاوسەری خوالێخۆشبوو (رون سۆفیاکدی) هەروەها منداڵەکانم و (میاس دارارون) کە باوکی خوالێخۆشبووە، و ئەندامەکانی تری بنەماڵەی خوالیخۆشبوو لە قوڵایی دەروونمانەوە سوپاسی سەرۆکی ئەنجومەنی بەڕێوەبردنی کۆمپانیای ئاسیاسێڵ فاروق مستەفا رەسوڵ و هەموو هاوکاران و کارمەندانی کۆمپانیاکەتان دەکەین بۆ ئەو هەموو هەوڵ وماندوبوونەتان و تەرخانکردنی هەموو ئەوکاتە بەنرخەتان لە پێناو گێڕانەوەی تەرمی رون سۆفیاکدی، کە لە 15ی تەمموزی ساڵی 2010 لە کارەساتێکی ئاگرکەوتنەوەدا لە ئوتێل سۆما گیانی لەدەست دا و پاشان تەرمەکەیان گەڕاندەوە بۆ کەمبۆدیای وڵاتی خۆی تا بتوانین مەراسیمی پێویست بۆ تەرمەکەی بگێڕین.
لەم دەرفەتەدا، دوبارە سوپاس و پێزانینی خۆمان ئاراستەی بەڕێز فاروق مستەفا رەسوڵ دەکەین لەگەڵ هەموو هاوکارانی لە کۆمپانیای گەیاندنی ئاسیاسێڵ، و هیوای بەختەوەری سەرکەوتن وسەلامەتی هەمیشەیی بۆ خۆیان و کۆمپانیاکەیان دەخوازین.
فنۆم پنە، 24 تەمموزی 2010
لەگەڵ ئەوپەڕی رێز وسڵاومان لە لایەن
ئەندامانی بنەماڵەی خوالێخۆشبوو رون
|
میاس دارارون
|
ئین کیم لەی
|
رون سۆفیاکریاچ
|
رون پانهاسیس
|
رون سۆفیاکریاکساا
|
|
(باوک)
|
(ژن)
|
(منداڵ)
|
(منداڵ)
|
(منداڵ)
|
هەر لەم بارەیەوە سەر چاوەیەکی بەرپرس لە کۆمپانیای ئاسیاسێڵ رایگەیاند کە لە پەیوەندی بەردەوامدان لەگەڵ واریسی یاسایی قوربانیەکاندا بە مەبەستی دەستەبەر کردنی هەموو مافەکانیان لە گەڵ لایەنی پەیوەندیداردا.
