دانیشتنی 'ملهمات' (خانمانی ئیلهامبەخش) :
بە سپۆنسەری ئاسیاسێڵ، و وەکو بەشێک لە چالاکییەکانی پلاتفۆرمی "ئەساس"، و بە هاوبەشی لەگەڵ "قاف لاب" لە موسڵ، دانیشتنی 'ملهمات' (خانمانی ئیلهامبەخش) بە بەشداری سێ خانمی خاوەن چیرۆکی سەرکەوتن بەڕێوەچوو. خانمانی بەشدار لە دانیشتنەکە باسیان لە چیرۆکی سەرکەوتن و ئەزموونەکانی خۆیان کرد کە چۆن توانیویانە لە بیرۆکەیەکی سادەوە بیگۆڕن بۆ پڕۆژەیەکی خاوەن پەیامی کۆمەڵایەتی. ئامادەبووان لە میانی دانیشتنەکەدا بەو ئاڵنگارییانە ئاشنابوون کە ڕووبەڕوویان دەبێتەوە لەگەڵ بەدەستهێنانی ئەزموونی پراکتیکی نزیک لە ژیانی ڕاستەقینەی خۆیان.
