وۆرکشۆپێک لە ژێر ناوی “ژیریی دەستکرد لە توێژینەوەی زانستییدا” :
لە چوارچێوەی چالاکییەکانی پلاتفۆرمی #ئەساس لە ئاسیاسێڵەوە و بە هاوبەشی ستراتیژی لەگەڵ “Q Lab”، وۆرکشۆپێک لە ژێر ناوی “ژیریی دەستکرد لە توێژینەوەی زانستییدا” لە موسڵ بەڕێوەچوو. لە وۆرکشۆپەکەدا باس لە چۆنیەتی بەکارهێنانی ژیریی دەستکرد کرا لە نووسینی توێژینەوەدا بە شێوەیەکی دروست، بەبێ ئەوەی سازش لەسەر جەوهەری داهێنانی ئەکادیمی بکرێت. وۆرکشۆپەکە بەشدارییەکی چالاکانەی لەلایەن ئامادەبووانەوە بە خۆیەوە بینی کە تیایدا ڕا و بۆچوونەکانیان و ئەزموونە واقیعییەکانی ژیانی خۆیان باسکرد، هەروەها نموونە و ئامۆژگاری پراکتیکی فێربوون بۆ بەکارهێنانی ژیریی دەستکرد بە شێوەیەکی بەرپرسیارانە. ئەم وۆرکشۆپە بەشێکە لە پرۆگرامی “Skillerate” کە لە چوارچێوەی پابەندبوونی کۆمپانیادا بە پشتگیریکردنی داهێنان و توێژینەوەی زانستی لە عێراقدا جێبەجێ دەکرێت.
