ستراتیژی پەرەپێدانی تواناکان

کارمەندەکانمان سوودمەند دەبن لە ئاوێتەیەک لە شارەزایی لە ڕێی فێربوونەوە لە کاتی کارکردن، و دەرفەتگەلێکی زۆر بۆ فێربوون و خولی ڕاهێنانی سەرنجڕاکێش کە بە مەبەستی بەرزکردنەوەی ئاستی لێهاتوویی و شارەزاییەکانیان ئامادەکراون و داڕێژراون تا یارمەتییان بدات بۆ بەدیهێنانی ئەوپەڕی تواناکانیان.

هەر لە فێربوونەوە لە ڕێی ئەزموونکردنەوە تا دەگاتە ڕاهێنان و ئاڕاستەکردن خولی ڕاهێنانی پسپۆڕیی – دەتوانیت لە ڕێیانەوە دەرفەتی تایبەت بە خۆت بدۆزیتەوە کە گەشە بە پیشەکەت دەدات و ئاستی کارامەیی و شارەزاییت بەرزتر دەکاتەوە.

فێربوون لەکاتی کارکردندا

ئێمە حەزمان بە چالێنجە! چاڵێنج پاڵنەر و هاندەری گەشەکردنە. ئێمە باوەڕمان بە فێربوونە لە ڕێی ئەزموونەوە.

کارمەندەکانمان بەردەوام شارەزایی و زانیاری و لێهاتووییەکانیان فراونتر دەکەن لە ڕێگەی ئەزموونی پراکتیکیی و ئەزموونی کارکردنی واقیعییەوە.

ڕێبازەکەمان؛ ڕێبازی "فێربوون لە ڕێی کارکردنەوە" دەرفەتێکی سەرنجڕاکێش بۆ هەمووان دەڕەخسێنێت لە ئاسیاسێڵدا بۆ مامەڵەکردن لەگەڵ ئەرکە پڕ ئاڵنگارییەکان و ڕاییکردنیان، لە ئەستۆگرتنی بەرپرسیارێتی و وەرگرتنی ڕۆڵی جیاواز لەناو کۆمپانیادا، پێداچوونەوە بە کارەکانیان و جێبەجێکردنی کاریگەرانەی ئەوەی فێری بوون بە شێوەیەکی ڕاستەوخۆ لە شوێنی کارەکانیاندا.

ئەم ئەزموونە پراکتیکییە ئاستی کارامەییەکانی ئێستای کارمەندەکانمان بەرزتر دەکاتەوە، یارمەتیاندەدات تا کارامەیی نوێ بەدەستبهێنن و پەرە بە توانا داهێنەرانەکانیان بدەن بۆ چارەسەرکردنی کێشە – تا ببێتە هاندەرێک "کاتالیستێک" بۆ گەشەکردن و پێشکەوتنیان لە پیشەکانیاندا.

فێربوونی هەرەوەزیی

ئێمە تۆوی کلتووری گەشەکردنی هاوبەش دەچێنین. مەعریفە بە شەیرکردن فراوانتر دەبێت.

بەهێزکردنی ژینگەی فێربوونی هەرەوەزیی تەنها وەبەرهێنان نییە لە کارمەندەکانماندا؛ بەڵکو بەردی بناغەی پابەندبوونمانە بە سەرکەوتنیانەوە.

لە ڕێی ئاسانکاریکردن بۆ هێنانەکایەی ژینگەیەک کە کارمەندان تیایدا بە شێوەیەکی چالاکانە لەگەڵ هاوتەمەنەکانیان، ڕاهێنەرەکانیان "مامۆستاکانیان" و پسپۆڕەکان کارلێک و مامەڵە بکەن، ئێمە یارمەتیان دەدەین سوود لە مەعریفەی دەستەجەمعی "المعرفة الجماعیة" وەربگرن.

لێرەدا، ئەوان هەر تەنها کۆمەڵێک دیدگای بەنرخ بەدەستناهێنن، بەڵکو پەیوەندییە ئامانجدارەکانیش بەهێزتر دەکەن کە پاڵ بە پێشکەوتنی پیشەییانەوە دەنێت و دەیانباتە پێشەوە.