ئاسیاسێڵ پێشوازی لە کۆمەڵێک خوێندکار و ئەندامانی دەستەی وانەبێژی زانکۆی توراس کرد لە ناوەندی داتای خۆی لە بەغدا، لە چوارچێوەی سەردانێکی زانستی کە ئامانجی بەهێزکردنی لایەنی پراکتیکی فێربوونی ئەکادیمی و ناساندنی خوێندکاران بە نزیکەوە بە ژینگەی کار لە یەکێک لە گرنگترین دامەزراوە تەکنیکییەکانی بواری پەیوەندییەکان بوو.
لە ماوەی سەردانەکەدا، بەشداربووان ئاشنا بوون بە شێوازی کاری ناوەندەکانی داتا و تەکن ەلۆژیا پێشکەوتووەکانی ئاسیاسێڵ بۆ بەڕێوەبردن و کارپێکردنی ژێرخانی دیجیتاڵی خۆی. هەروەها، ئامێر و سیستەمە بەکارهاتووەکان و ڕێکارەکانی کارگێڕی و ئاسایش کە بەردەوامی خزمەتگوزارییەکان بە بەرزترین ئاستی کارامەیی و متمانە دابین دەکەن، ناسێنران.
ئەم سەردانە دووبارە پابەندی بەردەوامی ئاسیاسێڵ بە پشتگیری لە پەروەردە و توانابەخشین بە گەنجان دەردەخات، لە ڕێگەی هاوبەشکردنی ئەزموون و شارەزاییەکانی لەگەڵ خوێندکارانی زانکۆکانی عێراق و پەیوەستکردنی زانیاری تیۆری بە پڕاکتیک، بۆ ئامادەکردنی نەوەیەکی لێهاتوو کە بتوانێت هاوڕێی گۆڕانکارییە خێراکان بێت لە بوارەکانی پەیوەندییەکان، تەکنەلۆژیای زانیاری و گواستنەوەی دیجیتاڵ.
